Zimbabwe inthlannaah rorellai Zanu-PF party in seat zawng zawng deuh thaw an la dawn niin a lang.

Inthlan result hi puan chian la ni lo mahse, President Emmerson Mnangagwa chuan hnehna a chang leh ngei dawn tih a lang chiang tawh a, hethlai hian eptu party MDC Alliance pawl chuan vote tih chingpen nia sawiin, an candidate Nelson Chamisa chuan hnehna a chang zawk niin an sawi ve thung. Kum tam tak ro lo rel tawh Robert Mugabe-a thuneihna laksak a nih hnuah tun hi Zimbabwe inthlanpui buatsaih vawi khatna a ni. An ram Electoral Commission chuan seat 210 awmah 110 chu Zanu-PF hian an la tawh tih a puang a, lehlamah MDC alliance chuan seat 41 chauh an la chang thung. Thawh\anni-a inthlannaah khan vote zaa 70 a tla a ni.