Mexico lirnghing vanga thi 61 tling tawh

0
431
views

Mexico rama lirnghing avanga thi chu mi 61 an tling tawh a, in chimin mi tam tak a delhna hmun, Tabasco, Oaxaca leh Chiapas state-ah ngawrh takin chhanchhuah hna thawh mek a ni a, Mexico President, Enrique Pena Nieto-a chuan mi 200 vel an hliam niin a sawi. Puan tawh angin, Mexico sanaa Ningani zan dar 11:50 khan Richter scale-a 8.1 vela nain Mexico ram chhim lam vaukamah lir a nghing a, kum 100 chhunga Mexico rama lirnghing na ber ni hiala hriat a ni a, thil tam tak a chhiat bakah, nasa vak lovin tui a tifawn bawk a ni. President Nieto-a chuan chhiatna thleng vanga thite chu ni khat sun an nih tur thua puang a ni.