Mi tangkhangte hruai haw chungchangah sorkar laipuiin Bengal sorkar a\angin thlawpna a dawng lo tih Union Home Minister, Amit Shah-a’n West Bengal Chief Minister, Mamata Banerjee chu lehkha thawnin a hrilh.

0
361
views

Home minister chuan a lehkha thawnah hian Bengal sorkar chu inhlawhfate haw-na tur rel chu an state-a luh phal lovah a puh a, Bengal mi leh sa, state danga tangkhangte thleibikna a ni a ti.

Amit Shah chuan sorkar laipuiin hmun danga hnathawka awm, an state-a haw duh mi nuai 2 a \anpui tawh tih sawiin, Bengal sorkar chu sorkar laipui a thawhpui duh loh chuan an state mi leh sate hmun danga tangkhangte harsatna siamtu a ni thei tih a sawi.

Inkharkhip chhungin sorkar laipui leh Bengal sorkar inkarah inhmuhthiam lohna a thleng deuh reng a, tunkar chhunga Inter-Ministerial Central Team, Bengal tlawhtute chuan Banerjee-i kaihhruai sorkar chu an hmalakna kalh zawnga thil thlirah an puh bawk a ni. Bengal hian Coronavirus kai mi 1,678 a nei a, mi 160 an thi tawh a ni.