Midum khamah lei minin kawng hnawh ping

0
424
views

Hmuifang tlanga Midum khamah lei minin tukin khan kawng a hnawh ping a, hei hi lirthei chi tin kal theihin vawiin khan siam leh tawh a ni a, PWD hotute hnen atanga thu dawn danin, he lei min hi kawng chhuat atanga nawr thla fai vek turin khawl hmanga hna thawh zui zel a ni.

Tukin khan Sateek khaw bula Sakei zuan thlakna khama leimin thin pawh a min nawn leh a, hei hi zing dar 7:30 vel khan lirthei kal theiha siam tlang a nih hnuah, dar 9:30 vel khan lei minin a hnawh pin leh avangin khawl hmanga then zui leh a ni a, vawiin chawhnu khan siam tlang a ni leh tawh a, he thu buatsaih thleng hi chuan Aizawl-Thenzawl-Lunglei kawng hi a tlang rih a ni.