Zoram Thar Siam tumtu pawl chuan vawiin khan Aizawl khawpuiah, Kulikawn atanga Tennis Court thleng kawng an zawh a, naktukah Tennis Court atanga Chanmari thleng an zawh leh dawn a ni. An kawng zawh tan tirhna, Kulikawn leh an zawh tawpna, Tennis Court-ah an pawl President, Pu Zaichhawna Hlawndo chuan thusawiin, Mizoram hi ram thar, Isua lalna rama siam a tul niin a sawi a, tuna Political Party hrang hrangten Party politics hmanga rorelna din an tum ang ni lo, corruption leh rinawm lohna dang awm lohna, Pathian lalberna ram an din tum niin a sawi a ni. An kawng zawhnaah hian Khatla kawnah an pawl Vice President, Pu R. Vanlalzauva’n thu a sawi bawk a ni.
