Ram pathuma thlipui tleh hian mi mtd 1 leh nuai 5 vel zet a nghawng a, tuilianin mi tam tak buaina a thlen mek bawk. Zimbabwe-ah hian tulian vangin mi 65 an thi tawh a, khualzinte tlawh tam, Chimanimani mi an ni tlangpui tih sorkar chuan a sawi. UN chuan mi 100 chuang chin hriat lovin an bo tih a sawi a, UN hnathawkte leh Red Cross \anpuinain Zimbabwe national army-in chhanchhuah hna an kalpui tih Ministry of Information chuan a sawi.
Mozambique-a Sofala province-ah chuan mi 62 an thi a, mi engemawzat chin hriat lohin an bo bawk a, thli tleh hma a\ang khan ruah nasa tak a sur avangin mi 66 an thi tawh a, mi 17,000-in an chenna in an rauhsan bawk a ni. An ram \henawm Malawi-ah pawh mi 56 an thi tawh bawk a ni.
Chhanchhuah hna thawktute chuan he thlipui hian engkim a ti chhia a ni ber tih an sawi a, Zimbabwe-ah hian ruah a la tlak chhunzawm zel vangin tui a len belh zel a la hlauhawm tih Red Cross-a operation manager Jamie LeSeur chuan a sawi.
