New Zealand Mosque-a mi 40 kaphlumtu Brenton Tarrant-a’n a ukil banin, amahin court-ah din a tum a, Australia police te’n amah nena inzawmna nei in te zan lamah an dap bawk.

0
276
views

Kum 28 mi Brenton Tarrant-a ukil ban tak Richard Peters chuan a banna chu mi \henkhat ngaihin thil mak nimahse Tarant-a hian ngaihdan kalkhat tak nei a ni tih lohah chuan a ngaihtuahna a fimin rilru lama buaina a nei lo nia a hriat thu a sawi a, a pawikhawhnaah hian a inchhir loh thu sawiin court hmaa dingin a ngaihdan puanchhuahna hun atan hman a duh anih a rin thu a sawi.

He pawikhawihtu hian an rama mi pemlutte suat a duhthu a ngaihdan ziahchhuana phek 74-a sei manifesto a hnutchhiah a, hetah hian President Donald Trump-a fakin vun ngo te nihna thar chhinchiahna a ni a ti a ni. Tarrant-a hi April ni 5 khian court hmaa ilan leh tura tih a ni.

Mifirfiakte beilettu Australia police te chuan New Zealand police te thil chhui pui thei tur thil hmuhchhuah beiseiin New South Wales-a in pahnih, Tarrant-a unaunu in leh Tarrant-a seilenna in te an dap a, an thil chhuinaah hian Tarrant-a chhungte hian \ha takin an pui tih police te chuan an sawi. Tarrant-a hi Australia-a piang leh seilian a ni a, kum 9 kalta a\ang khan Turkey, Pakistan leh ram dangte a tlawh kual \hin a, kum 2017 a\ang khan Dunedin-ah chengin, silai kahna gun club Bruce Rifle Club-ah silai kah a zir \hin a ni.

Christchurch khawpuia mosque pahnih-a Brenton Tarrant-a’n pawi a khawihnaah hian mi 50 an thi a, mi 40 an hliam bawk a, damdawi inah mi 34 enkawl mek an la ni. Tarrant-a kuta thi te hi kum 3 a\anga kum 77 inkar mi an ni hlawm a, Christchurch thlanmualah an ruang phumna tur laih a ni a, mithi te enkawltu coroner te chuan mithi chhung, lusunte hian Islam sakhaw dan anga thite hi an phum theih a besei thu an sawi a, Prime Minister Jacinda Ardern chuan thi te hi an chhungte hnenah Nilaini hmaa hlan theih an nih a beisei thu a sawi a, silai khuahkhirhna dan khauh zawka kalpui a nih theih nan siam\hat a nih tur thu a sawi bawk.