Myanmar President a nihna atangin a bang

0
399
views

Myanmar President Htin Kyaw chu anihna a\angin a bang tih Myanmar sorkar thuchhuahin a tarlang. A ban chhan hi sawi chian ni lo mahse, kum 71 mi Htin Kyaw hi tunhnaiah a hriselna dinhmun a tla hniam hle a, sorkar function pawimawha a inlan hnuhnung berah a taksa a chak lo hle tih a hriat theih a ni. Sipai rorelna tihtawp a nih hnu 2016 ah Htin Kyaw hi President atan lakluh a ni a, amaherawhchu Myanmar rorelna kalphungah a hming maia hruaitu lu ber a ni a, thuneihna tak tak chu Aung San Suu Kyi kutah a awm thung. President thar lakluh a nih hma chuan Vice President Myint Swe, General hlui chuan President mawhphurhna hi a chelh rih dawn a ni. Suu Kyi hi sipai rorelna hnuaiah khan kum tam tak Jail a tang a, President dinhmun a luah hi phalsak a ni lo a, an ram danpui constitution ah chuan Suu Kyi-in President hna a chelh theih lohna tur hian ramdang mi te fa hrin reng rengin President hna an chelh thei lo ang tih tarlan a ni.