Rohingya hmeichhe naupang nawhchizawrhna hmunah hralh an ni – BBC

0
649
views

Rohingya hmeichhe naupang \hahnem tak chu nawhchizawrhna hmunah hralh an ni tih BBC chhui chianna a\angin hriatchhuah a ni. Bangladesh-a Rohingya raltlante awmna hmun, refugee camp hi ramdangmi nawhchizuar tura hmeichhe hralh ching ten awlsam takin an luh chhuah thei a, Myanmar buaina avanga raltlan heng mi te hian hlauhawm dang an hmachhawn leh mek a ni. Kum 14 mi Anwara chu Myanmarah a chhungte zawng zawng thah sak an nih avangin Bangladesh lam pan tum hian a tlan chhuak a, kawng lakah hmeichhe pakhat chuan an chuanna Van-a chuang ve turin a sawm a, nun bul \an \ha leh tura tiamin, Cox Bazar lamah an hruai ta zawk a, hemi hnu hian mipa pahnih chuan chemte nena vauin, an pawngsual zui a, amahin a sawi danin mipa pahnihte hian nasa taka kut te thlakin a pumah te an hnek sak a ni. Hetiang bawk hian refugee camp-a awm hmeichhe dang tam takin nawhchizawrhna-a nawr luh luih hi an tawk tih BBC chuan a hmu chhuak a ni.