Myanmar Rohingya buaina chanchin an chhuina-a dan kalha lehkha pawimawh la chhuak rua puh Reuters journalist pahnih chu Myanmar court ah an chungthu ngaihtuah a ni dawn

0
383
views

Myanmar Rohingya buaina chanchin an chhuina-a dan kalha lehkha pawimawh la chhuak rua puh Reuters journalist pahnih chu Myanmar court ah an chungthu ngaihtuah a ni dawn.

Wa Lone kum 32 leh Kyaw Soe Oo kum 28 mi te hi British awp hun laia dan lo siam tawh, Official Secrets Act hnuaiah thubuai siamsak an ni a, nikum lam khan man an nih hnuah Jail a dah an lo ni tawh a, Reuters chuan an hnuai thawk pahnihte hian Rohingya te suat chiam an nih lai khan an hnathawh tur dik tak an lo thawk a ni tih sawiin, chhuah tir thuai turin an phut a, heti chung hian Myanmar sorkarin thubuai a siamsakah hian thiam loh chantir an nih chuan kum 14 thleng lungin tantir theih an ni ang. Myanmara Buddhist te chen tamna hmar thlanglam Rakine state-a thil thleng khan khawvel a barakhaih hle a, sipaite beipui thlak thlan chhiatsanin Muslim za tel tam tak ram dangah an tlan chhia a ni. Myanmar sipaite chuan an beihpui thlak hi Rakine state-a hel pawlte chhut chimih tumna a ni an ti a, hetihlai hian civil mi za tel tam tak an thi nia sawi a ni. Wa Lone leh Kyaw Soe Oo te hian sipai leh khawtual mi ten Rohingya Muslim te an suat chiam nia sawi hi an chhui chiang a, dan kalha sorkar lehkha pawimawhte la chhuaka puh an ni.