Mizoram Sorkar-in lottery draw zawng zawng a suspend

0
300
views

MNF party in Lottery kalpui danah sum tih chingpen a tam hle tih sawia Institutional Finance & State Lottery Directorate-a hnathawktute pisa kai tur ni hnih an dan hnuah Mizoram Sorkar-in Distributor pali te lottery draw zawng zawng a suspend.

Finance Dept in vawiina hriattirna a tih chhuah danin, Lottery draw hi tun dinhmunah a taka kalpui theih a nih loh avangin Distributor leh selling agent ten Mizoram state lottery an draw zawng zawng chu nimin a\ang khan suspend a ni.

Mizoram State lottery hnuaiah hian distributor pali an awm a, Paper lottery chu Teesta Distributors in a buaipui a, Online Lottery pathum chu Summit Online Trade Solution, NV International leh Ecool Gaming Solution ten an kalpui mek a ni.

Hetihlai hian MNF \halai chuan Institutional Finance & State Lottery Directorate-a thawktute pisa kai tur nimin a\anga an dan \an chu tukin dar 9 a\ang khan an chhunzawm a, thil duhawm lo thleng a awm lova, Police duty \hehnem tak hmuh tur an awm leh a ni. MNF \halai te hi an President Pu Lalrinawma MLA leh hruaitu dang ten an ho a, Lottery Pisa kawtah an pungkhawm a ni.

MNF Treasurer Pu Vanlalzawma MLA chuan, Lottery a thil dik tawk lo awm nia sawi chungchangah Press Conference vawi 5 hial neia an lo auchhuahpui hnuah pawh sorkar hmalakna ala awm lo leh tuna kalpui tute term tawp tawh hnua pawhsei sak an ni chu an duh loh thu a sawi a. He thil dik lo hi eptu an nih anga an haichhuah pawh ni lovin CAG report in mipui hriatah a rawn tarlang mai zawk a ni a ti a, Lottery-ah hian thil dik lo a inphum ngei nia a lan thu a sawi.