MZP President Pu L. Ramdinliana Renthlei leh hruaitu dangten vawiin khan Education Minister hi an kawm a, tun hmaa lo hman thin zing lam dar 9:30-a school tan a, tlai lam dar 4:00 ban thin chu tha an tih loh thu MZP hruaitute hian an sawi a, rawtna an neihte an thlen nghal a ni. School Academic Session hman mek March – April chu mizo nunphung leh Kristianna nena inmil loa an hriat thu pawh MZP hruaitute hian Minsiter hi hrilhin January – December School Academic Session hman leh a nih theih nana hmala turin an ngen bawk a, MZP sawi danin an rawtna hi Minsiter chuan \ha a tih thu leh a tul anga lo bawhzui a tum thuin a chhang a ni.
MZP hruaitute hian School Education Department Directorate pahnih, Elementary leh Secondary-a \hen hran chungchang te, Mizoram Education Service siam chungchang te, CCE ennawna siamthat chungchang te, School admission fee sang lutuk chungchang te, zirtirtu indaih lo chungchang te leh School Education department-a budget tam zawk dah chungchang te pawh Minsiter hi an sawipui a ni.
