N.Korea-in US tlukpui sipai chakna neih tum

0
619
views

Japan ram thlawh khuma missile a kah chhuah hnuah, North Korea hruaitu lu, Kim Jong Un-a chuan America ram hruaituten North Korea chhan let nana sipai chakna hman chungchang an sawi \hin tihtawp nan US tlukpui sipai chakna neih tumin an bei mek tih leh, an thil tum an hlen theih nan hian theihtawp an chhuah zui zel dawn tih a sawi niin North Korea sorkar media, Korea Central News Agency chuan a sawi. KCNA sawi danin, Kim-a hian US sorkar hotuten tihchhiata an vau ngam lohna tur khawpa sipai chak leh hlauhawm neih chu an tum ber nia sawiin, America pawhin a dawl zawh loh tur nuclear ralthuam an mamawh niin a sawi a, Kim-a hian, khawvel ram hrang hrangten \hangkhat lian an hrek tawh chung pawhin North Korea chuan nuclear ralthuam siam chhuah kawngah nasa takin hma a sawn niin a sawi bawk a ni. North Korea chuan nimina a missile kah chhuah chu mi thiamte rin ang ngeiin, intermediate range ballistic missile, Hwasong-12 tia vuah a ni tih a nemnghet tawh a, puan tawh angin, he missile hi North Korea khawpui, Pyongang-a Sunan district-a \umhmunah truck pakhat a\angin kah chhuah a ni a, missile hian a hma ang bawkin Japan rama Hokkaido thliarkar chu thlawh khumin, km 770-a sang, km 3,700-a thui a thlawh hnuah Hokkaido bula tuifinriatah a tla a, chhim thlang lam hawia kah chu ni se, Pacific tuifinriata US awp, Guam thliarkar pawh a thlawh pel dawn niin mi thiamte chuan an sawi a ni.