National Film Award nizana New Delhi-a sem chhuahah sawi lawk ang ngeiin Award dawng tura thlan mi 50 chuang an tel duh lo

National Film Award nizana New Delhi-a sem chhuahah sawi lawk ang ngeiin Award dawng tura thlan mi 50 chuang an tel duh lo a, President kut a\angin award an dawng dawn lo nia an hriat lawk avangin Award sem chhuahna inkhawmah hian an kal duh lo a ni. Kum 65 zet kalphung anga lo neih tawh chu thai chhia-in President Ram Nath Kovind chuan award 137 zinga 11 chauh a sem chhuak a, a bak zawng chu Information and Broadcasting Minister Smriti Irani leh Minister of State Rajyavardhan Singh Rathore ten an sem a ni. Vigyan Bhawan-a Award semna hmunah hian award dawngtu turte \hutna tur hauh lawk tam tak chu a ruak huai a ni. Award sem inkhawma tel lo zingah hian Director Praveen Morchhale pawh a tel a, a film siam Waling with the Wind tih chuan Best Film bakah Award dang pahnih a dawng a, Morchhale chuan President in award \hen azar chauh a hlan dawn tih thu chuan amah bakah a \hian dang tam tak a barakhaih hle tih a sawi. President Office chuan Kovind-a hian office a luah phat a\angin eng inkhawmah pawh nise darkar khat bak hun a hmang ngai lo tih a sawi.