Pacific tuipui hmun in chuh laiah China in sipai a sawhngheh avangin a tuar let ngei ang tih US in a sawi

Pacific tuipui hmun in chuh laiah China in sipai a sawhngheh avangin a tuar let ngei ang tih US in a sawi. President Press Secretary Sarah Sanders chuan South China Sea-a China in a sipaite a dahbelh mek tih hi an hriat thu sawiin, US chuan China hmalak dan a ngaihmawh thu pawh China hi a hriattir nghal a, a nghawng a tuar let ngei dawn a ni a ti. South China Sea hi Vietnam, Philippines, China leh ram dang \hahnem tak bul vel tuipui a ni a, kum rei vak lo liamta a\ang khan dodalna karah helai hmun hi a luah chho a ni. Beijing chuan helai hmunah hian invenhimna tura hma a lak chu a thiang tih a sawi ve thung a, missile leh ralthuam hlauhawm dang a bun nia sawi erawh a nemnghet duh lo thung. Washington leh khawtlang lam ram te chuan tuipui inchuh avanga buaina hi chingfel phawt turin an nawr ve thung a ni.