Naupang 12 leh an coach pakhat puka tang hlawhtling taka chhanchhuah an ni ta chu Thai Navy Seals hotupa in beiseina a taka chang ta a ni a ti

0
491
views

Rear Adm Arpakorn Yuukongkaew chuan naupangte hi an la dam beiseina an nei chau hle chungin tha thlah lovin an bei \ang \ang a, beiseina chhe te an neih chu bawhzuiin, a tak a lo chang ta chu lawmawm a tih thu a sawi. Heng naupang rual, June ni 23 a\ang tawha tuilianin puk chhunga a dan behte chhanchhuah an nih dan hi khawvelin a ngaihven hle a, ni 3 chhungin naupang zawng zawng leh an coach te hi hruai chhuah an ni. Heng naupang rualte hian puk chung lam a\anga tui lo far chu ringin an dam khaw chhuak a, an vai hian Chiang Rai khawpui damdawiin ah enkawl mek an ni a, an taksa hriselna enkawltute bakah rilru lam enkawl thiamte pawhin an \hutchilh reng a ni. An vaiin an rihna an hloh vek a, damdawiin ah hian hapta khat chhung an awm hnuah an chenna in lamah hapta khat chhung vel an inenkawl chhunzawm leh ang a, Chhanchhuah hmasak naupang pali te chu an chhungte tlawh tir an ni tawh a ni. Puk chhunga ni 17 zet an tan hnuah Naupangte chhanchhuah kim an ni ta tih nimin tlaia hriat anih hian Chiang Rai khawpui chu lawmin a khat a, khawthlera lirthei tlan te pawhin an motor horn an hmet ri chuah chuah a, damdawiin leh a chhehvela naupang chanchin ngaihvena pungkhawmte kut beng thawm pawh a \ha hle a ni.