Japan rama tuilian leh leimin avanga thi zat chu 179 an tling tawh a, mi 70 chuang chin hriat lovin an la bo mek

0
404
views

Tun \um chhiatna hi kum 1982 hnua ruahsur nasa avanga Japan-in chhiatna an tawh nasat ber a ni a, ruah sur bang tawh mahse tui lian leh leiminin thil tih chhiat a ngah avangin an la buai hle a, chenna in 270,000 zetin tui supply an dawng thei lo a, in sang tel tam takin electric eng an hmu thei lo bawk. Okayama, Hiroshima leh Yamaguchi chhehvel te chu a tuar nasa zual an ni a, abikin Okayama ah tuilian leh leimin hian chhiatna a thlen nasa zual a ni. Hmun \henkhatah chuan chaw tur mumal pawh a awm lo a, mipuite chuan dawr a\anga an hmuh theih ang ang an ei a ni. Mi maktaduai 8 nuai 6 chuang zet chu hmun him lama insawn chhuah tir an ni a, mi sang tel chu chenna hmun tura duan lailawk, zirna in leh hall ang chiah te an khawsa mek a ni. Chhanchhuah hna thawktu mi sing 7 chuang leh fire service leh sipai ten \anpui ngaite \anpui hna hi an thawk chho mek a, Prime minister Shinzo abe chuan ram danga zin a tum a \hulh a, tunah hian Okayama ah cham mekin chhiatna thlen dan leh hmalak dan tur a endik a ni.