Nelson Mandela nupui, Winnie Madikizela-Mandela thi

0
384
views

South Africa-a chi inthliarna na taka do lettu, Nelson Mandela nupui Winnie Madikizela-Mandela chu kum 81 mi niin a thi. A pasal Nelson Mandela nena Jail-a khung lo tawk hrep tawh, Winnie Madikizela hi South Africa-a chi inthliarna kum 30 chuang zet nasa taka dotu hmingthang a ni a, a hun tawp lamah erawh dan lam kaihhnawih leh politics lam kaihhnawihah te a hming chhe ta deuh thung a ni. A thi tih puan a nih veleh Johannesburg Soweto-a a chenna inah amah suntu mi tam tak an pungkhawm nghal a, heng zingah hian ram hruaitu langsar tak tak te pawh an tel. An chhungkaw thupuangtu chuan Pi Mandela-i hi a chhungte leh amah hmangaihtute a bula an awm laiin, thlamuang takin a chawl ta tih a sawi. Kumin kum tir lam a\ang khan a hrilselna a tlakhniam zual avangin damdawiinah a lut chhuak chho deuh reng a ni.