Nepal Court sang berin mitdel leh ke pahnih chan tawhten Mount Everest tlang an lawn sorkarin a khapna a hnawlsak tak avangin China tlanglawn mi, kum 40 vel liamta-a vur ei vanga a ke pahnih tansak tawh chuan Mount Everest tlang chhip lawn chhuah ngei a tum. Khapna hlih anih hnuah Xia Boyu hi ke pahnih bul tawhte zinga Mount Everest tlang lawn phalna pek chuah hmasak ber a ni a, kum 69 mi Xia Boyu hian nikum December thlaa Nepal Sorkar thupek tih chuah chu pianphunga rualbanlo te en hranna lian tak a ni tih a lo sawi tawh a ni. Thla hlui mai khan rualbanlote tana beitu mi \hahnemngaite nawrna avangin Nepal court sang ber chuan he thil hi ngaihtuahin rualbanlote hamthatna tura UN thutlukna kalh a ni tiin sorkar thupek hi a sut sak a ni.
Xia Boyu hian Metre 8848-a sang Mt Everest hi lawn tuma a bei leh thei anih chuan a vawi 5 beihna a ni tawh dawn a, kum 1975 khan Chinice National Team ah telin, tlangchhip an thlen hma lawkin khaw chhia avangin an let leh a, Oxygen tlem lutuk avang leh khawvawt lutuk avangin a kephah pahnih a chan a, kum 1996 khan thisen cancer chikhat a neih avangin a ke tawn tawn chu a khup chinah tan leh a ni.
