Salisbury-a enthlatu pakhat tura hrai chungchangah Russia in UK chu thu dik lo vawrh darhah a puh

0
241
views

Salisbury-a enthlatu pakhat tura hrai chungchangah Russia in UK chu thu dik lo vawrh darhah a puh. UN Security Council \hutkhawmnaah Moscow UN palai Vasily Nebenzia chuan UK thil tum ber chu thu dik lo hmanga rin tlak lohva Russia chhuah a ni a ti. UK hian he thil thlengah hian Russia chu a inrawlh ngei niin a sawi a, UN-a UK palai Karen Pierce chuan UK dinna chu chhui chian dawl ngei a ni a ti thung. Russia Spy hlui Sergei Kripal leh a fanu Yulia te chu March ni 4 khan Salisbury ah nikhaw hre lova chhar an ni a, a fanu zawk kum 33 mi chuan tunhnai khan thuchhuah siamin, a taksa a chak chho ve hret hret zel tih a sawi a, a pa zawk, kum 66 mi erawh a dinhmun tur a la chiang thei lo a, thih mai hlauhthawnawm erawh a ni tawh lo a ni.