Ni tina petrol leh diesel man ennawn thin chu chhunzawm zel dawn- Petroleum and Natural Gas Minister

0
433
views

Petroleum and Natural Gas Minister, Dharmendra Pradhan-a chuan ni tina petrol leh diesel man ennawn thin chu chhunzawm zel a nih tur thu a sawi a, nimina Skill Development and Entrepreneurship Minister atan lak luh thar leh Cabinet minister atana hlan kai, Pu Pradhan-a chuan, thla hnih chhungin man hi petrol litre khat Rs 6.6-in san belh mah se, petrol leh diesel man hi khawvel puma tuialhthei man danglam dan a zira siam rem a nih thin avangin ram mipuite tan a hlawk zawk a, tuialhthei man a danglam thut pawha mipuite’n a hlawkna, a tam thei ang ber an tèl theih nana ruahman niin a sawi. Minister hian ni tina petrol leh diesel man ennawn chu tha a tih thu sawiin, June ni 16-a kalphung thar hman tan a nih khan chawlhkar khat chhung vel chu a man a tlahniam niin a sawi a, tunlai hian khawvel pumah tuialhthei man a to avangin petrol leh diesel man pawh hi a sang niin a sawi bawk.