NIA-in sorkar sum hmanga hel pawlte tanpui thin nia hriat, Nagaland sorkar mi pawimawh 3 leh sorkar hnathawk chawl tawh mi 1 man

0
293
views

National Investigation Agency-in hel pawlte \anpui nana sorkar sum pe \hin nia hriat, Nagaland sorkar mi pawimawh 3 leh sorkar hnathawk chawl tawh mi 1 an man. a, heng mi pali hian hel pawl aiawhin sorkar department leh pawl hrang hrangte hnen a\angin pawisa an phut \hin niin an sawi. Anni lo pawh hi mi dang, hetiang tih ching hi an la awm nia an hriat thu leh man tuma an chhui mek thu pawh NIA hotute chuan an sawi a ni. An man te hi Nagaland sorkar-a Agriculture Department Additional Director, V. Aza, Irrigation Department Joint Director, Hutoi Sema, Fisheries Department Superintendent leh Cashier ni kawp, Kekhriesatuo Tep leh Toursim Department Director chawl tawh, Purakhu Angami an ni a, Dimapur-a Special NIA Court-ah thubuai siamsak nghal an ni. Nagaland sorkar hotu zingah hian hel pawlte nena inzawmna nei man an lo ni tawh a, kumin kum tir lamah pawh khan Social Welfare Department leh Land Resources Department a\angin mi 2 man an lo ni tawh a ni.