Sarthana bial-a interior design coaching centre Takshashila Arcade-a inchung lawn chhohna bulah kangmei hi chhuakin building chhawng sang zawkah a kang kai chho a, hetihlai hian building chhungah hian mi 50 a\anga 60 vel an awm a, pawl 12 result nghak an ni hlawm a ni.
Kangmei chhuak lai hmutu pakhat chuan leilawn hmangin zirlai engemawzat a chhanchhuak a, kang\helh pawl te awmna hnai ber chu building a\anga km 2 leka hla nimahse minue 45 velah an thleng thei chauh a ni. Building sir pisa pakhata thawk Ajay Patel-a chuan kang\helh motor te hian kang \helh nan-a an hman tui pipe chu a khawh nat tawk loh thu sawiin inpuahchah \ha se chu mi tam zawk an chhanchhuah theih a rin thu a sawi. Hliam te zingah hian ventlator vuah ngai 2 an awm a, 5 dang ICU-a dah an ni bawk.
Police te chuan coaching centre neitu hi an man a, he complex satute leh a neitu lakah thubuai an ziaklut bawk a ni. Gujarat Chief Minister Vijay Rupani chuan thil thlendan hi chhui turin Urban Development and Urban Housing Department Principal Secretary, Mukesh Purithu a ruat nghal a, thi chhungte hnenah zangnadawmna cheng nuai 4 pek a tiam bawk a ni.
