Khawbung nula Vanlalduati hi Mizoram aiawha a tel ve mai theih loh avangin Tripura atate aiawhin vawi engemaw zat Boxing ring chhungah a lo lut tawh a. Kum 2009, 2010, 2011, 2012, 2013-ah te National Level Boxing-ah Gold Medal lo la tawhin, kum 2008 leh 2015-ah te Silver a la a, kumina Senior National Boxing Championship-ah Bronze Medal lain, nimin Zirtawpni khan Guwahati-a 2nd India Open International Boxing Tournament final-ah Mary Kom nen inhnek lehin, a chak zo lo a, silver medal a la a ni.
Khawbung khawtlang chuan an khaw nula Vanlalduati-in 2nd India Open International Boxing Tournament final a thleng thei leh, Silver a la thei chu an lawmpui thu leh an chhuan thu an sawi.
