North Korea-a hren mek, America mi pathum te chhuah tum mek an nih laiin an awmna hmun sawn leh a ni tih thuthang karah US President Donald Trump-a’n thuthar engemaw a awm thuai dawn tih a sawi

0
329
views

North Korea-a hren mek, America mi pathum te chhuah tum mek an nih laiin an awmna hmun sawn leh a ni tih thuthang karah US President Donald Trump-a’n thuthar engemaw a awm thuai dawn tih a sawi. US President Donald Trump a’n North Korea hruaitu Kim Jong-un biak a tum mek laia he chanchinthar hi lo ri chhuak a ni a, Donald Trump chuan sorkar hmasa lamin North Korea labour Camp-a hren mek America mi pathum te chhuah an nih theihna turin lo bei tawh \hin mahse awmzia a awm ngai lo a, tunah erawh chuan an chanchin lo ngai chang rawh tiin twitter ah a ziak a ni. America mi pathum hren mek te zinga pahnih chu kum 2017-a Trump-a’n office a luah hnua hren an ni. US chuan heng mi pathum Kim Hak song, Kim Sang duk leh Kim Dong chul te hi chhuah turin a lo nawr tawh \hin a, chhuah an nih theihna tur hian an inremfel titi tawh nia sawi a ni. North Korea in a hren zinga mi Kim Dong chul hi South Korea-a piang, America khua leh tui ni tawh, pastor hna thawk a ni a, North Korea ah hian kum 2015 a\ang khan hren a ni tawh a, enthlatua puh a nih avangin kum 2016 khan kum 10 chhung lung in tang tura a chungthu rel a ni. Kim Hak song leh King Sang duk te hi Pyongyang University of Science and Technology-a thawk an ni a, he university hi ram pawn lama christian pawl pakhat enkawl a ni a, sorkar laka hela puhin nikum khan man an ni.