Supreme Court in Karnataka chu Cauvery lui tui Tamil Nadu hnena pe turin vawiin khan a hriattir

0
312
views

Supreme Court in Karnataka chu Cauvery lui tui Tamil Nadu hnena pe turin vawiin khan a hriattir a, hei hi a ti hlawhtling lo a nih chuan thupek khauh zawk a hmachhawn tur thu a hrilh. Hemi chungchanga Prime Minister leh Minister dangte Karnataka Inthlanna hmachhawn tura an buai rih avanga Sorkarin hun tam zawk pe tura a ngenna pawh Supreme Court chuan a khak bawk. Karnataka hi May thla chhung atan tui cubic feet maktaduai sang 4 Tamil Nadu hnena pe turin a hriattir a ni. Central Sorkar aiawha ding Ukil chuan he thilah hian ni 10 chhung nghak rih turin Supreme Court a ngen a, Prime Minister leh Minister dangte chu Karnataka inthlanpui tun thla ni 12-a neih turah an buai rih avangin Tamil Nadu hnena tui pekna tur pawmpui turin hun an nei rih lo niin a sawi a, Court chuan Tamil Nadu hnena tui hi pe nghal tur leh a enfiah zui dan tur pawh ruahman turin Central Sorkar chu a hriattir a ni.