China President, Xi Jinping-a’n North Korea lam boruakin hma a sawn niin US President, Donald Trump a hrilh a, President pahnih hi phone-a an inbiaknaah Xi-a hian he thu hi a hrilh a ni. Trump-a hian sum leh pai leh politics thilah pawh North Korea hi na zawka hrek turin Xi-a hi a nawr reng a, North Korea hian nuclear ralthuam a neih loh nan leh, neih tuma a beihna a chawlhsan theih nan, thu awih lo thei lova hr>k a ngai niin a sawi. Kim Jong-Un-a leh President Trump-a invau tawn dan hi a nasat tawh avangin, ralthuam hlauhawm hmanga an indo mai hlauhthawnna pawh a lian hman hle a, mahse tun hnaiah hian boruak a ziaawm ta deuha ngaih a ni a, Korea ram pahnih pahnih pawh kum hnih an inbiak loh hnuah an inbe leh thei ta a, North Korea hian South Korea-a Pyeongchang Winter Olympics lo awm turah ram aiawh tirh a remti ta hial a ni.
Chanchin Thar North Korea boruakin hma sawn – China President
