North Korea hrekna thar UNSC-in pawm

0
865
views

UN Security Council-in North Korea hrek dan tur thar a pawm a, Asia khawmualpuia US thurualpui ramte chuan UN thutlukna hi an thlawp hle nia hriat a ni. Tun hi UN-in North Korea a hrek vawi 9-na a ni tawh a, America sorkar duan, North Korea hrekna tharah hian North Korea chu a puan tah, ram danga a hralh chhuah khap a nih bakah, North Korea ramah hian tuialhthei hralh leh thawn luh khap a ni bawk. Japan leh South Korea chuan Security Council-in North Korea hrekna hmasa a pawm hnu khan, North Korea hian nuclear a en chhin lui emaw, ram dangte tana hnawksak zawnga a che leh emaw a nih chuan tun aia na zawka hrek pawh an hnial ti lo niin an sawi a, US chuan a tirah khan a na thei ang berin hrek tum mah se, UN Security Council member leh North Korea \hian, China ramin a thlawp loh a hlauh avangin hrekna hi a tin>p ta nia hriat a ni. UN-a US sorkar palai, Nikki Haley-i chuan North Korea hian a nuclear ralthuam siam chhuah leh en chhin hi a bansan chuan nakin zel atan a ramin a \hatpui thei dawn niin a sawi a, hetih rual hian kawng dik lo a zawh lui zel a nih chuan tun aia khauh zawka chhan let zel an tum thu a sawi bawk. UN-in North Korea a hr>k belhna tur hi China leh Russia pawhin a thlawp a, a hmain North Korea hi lungalhthei, suan lam chi leh lui sa thawn chhuah a lo khap tawh a ni. North Korea ram mi, ram danga hnathawka chhuakte pawh phalna thar p>k tawh loh tura tih an ni a, North Korea mi 93,000 vel, ram danga hnathawkte chu thawh phalna an neih lai a tawp hunah, pawh seisak an ni tawh dawn lo a ni.