UN Security Council-in Rohingya Muslim-te chungchang sawiho dawn

0
541
views

Britain leh Sweden ramte ngenna angin UN Security Council chu Myanmar-a Rohingya Muslim-te chungchang sawiho turin nakt<kah an \hu khawm dawn. Puan tawh angin, UN hnuaia mihring dikna leh chanvo humhalhtu pawl, UN High Commissioner for Human Rights hotu, Zeid Ra’ad al-Hussein chuan Myanmar rama Rohingya Muslim-te chunga thil thleng chu chi leh chi insuatna nia sawiin, Myanmar sorkar hian mihring dikna leh chanvo nasa takin a palzut nia an hriat thu leh, an chhinchhiah chinah, August ni 25 hnua Bangladesh-a Rohingya mi raltlan chu 3,70,000 an tling tawh tih a sawi a ni. Bangladesh PM, Sheikh Hasina pawhin ramri bula raltlante awmna hmun a tlawh \umin, Rakhine-a thil thleng chu Myanmar sorkar bul \an a nih avangin, a chin fel kawngah pawh mawhphurtu awm chhun an i a ti a, Rohingya mite chu Myanmar ram mi an nih avangin, an hruai haw leh ngei tur a ni a ti bawk. Myanmar Foreign Ministry thupuangtu chuan Rakhine buaina avanga chenna mumal nei lo leh harsatna tawkte, UN-in a ngaihven chu an hriatthiam thu a sawi rualin, he buaina hi Rohingya hel pawlte avanga chhuak niin a sawi thung a ni.