North Korea in South Korea sorkar nen an inbiakna hotline a ti tawp dawn tih a sawi a, hei hi South Korea nen inbiakpawhna an neih zawng zawng tih tawp an tumna kawnga an hmalakna hmasaber a ni.

0
33
views

Kar hmasa khan North Korea hruaitu Kim Jong-un-a farnu Kim Yo-jong chuan South Korea chu North Korea atanga tlanchhuakten lehkha an thawn luh thin an tih tawp sak loh chuan ram pahnih inbiak pawh tawnna, inter-Korean liaison office tih tawpah a lo vau tawh a, lehkha an thawn luh thin hian North Korea rama cheng mekte a ni lo zawngin a thlem tih sawiin, kum 2018 a ram pahnih ten inremna an lo siam tawh chu a bawhchhia a ni a ti bawk.

Inter-Korean liaison office hi ram pahnih ten an inkar boruak tihziaawm nana kum 2018 a an din a ni.

North Korea hian inbiak pawhna an tihtawp chhan hi lehkha thawn luh vang ni lovin a phenah hian hei aia lian zawk ruahmanna an nei nia ngaih a ni.

North Korea chuan sipai pawl inbiak pawhna an neih thin pawh an ti tawp dawn tih a sawi a, ram pahnihten nitin inbiakpawh tawnna, kum 2018 atanga an neih thin chu Thawhtanni khan North Korea hian a chhang lo a, hei hi chhan loh vawi khatna a ni tih South Korea chuan a sawi.