Nizan khan mi 5 in coronavirus an kai tih hmuh belh leh a ni a. Ni 2 chhunga sample test 669 atangin 51 in an kai tih hmuh chhuah a ni a, Ni 10 kalta chhunga coronavirus kai Mizoramin a neih zat hi 92 a tling ta a ni.

0
109
views

A hmaa lo enawl dam tawh nen, Mizorama coronavirus kai hmuh chhuah tawh chu 93 an ni tawh a ni.

Nizan zanlaia hri leng kai hmuh chhuah tharte hi lum 18-37 inkar, Mipa 1, Hmeichhia 4 an ni a, pathum chu Maharashtra atanga lo haw leh 2 chu Delhi atanga lo haw an ni. Aizawl district, Lawngtlai district leh Serchhip district mi pakhat theuh leh Saitual district a cheng mi 2 an ni.

Mizorama coronavirus kai hmuh chhuah tawh 92 te hi Mipa-48 leh Hmeichhia-44 an ni.

Ni 10 kalta chhunga Mizorama Coronavirus kai hmuh chhuah tharte hi Aizawl District mi 12, Lunglei District mi 45, Siaha District – 1, Champhai District – 5, Kolasib District – 11, Serchhip District – 1, Lawngtlai District – 4, Mamit District – 8, Khawzawl District – 2 leh Saitual District mi 3 an ni.

Vawiin lamah Falkawn ZMC laboratory ah sample 200 chuang test leh mek a ni a, a result hi naktuk lamah hriat theih beisei a ni.

Vawiin khan Falkawn damdawiin ah covid 19 kamlo pakhat leh rinhlelh 7 admit thar an ni a, nimin lama mi pakhat leh admit thar mi 1 te sample test mek chu zaninah a result hriat beisei a ni a, a dang 6 te chu naktuk lamah test an ni ang.

ZMC-a Coronavirus vanga damlo ICU-a enkawl chuan hma a sawn zel tih ZMC bulletin ah tarlan a ni a. Isolation Ward-a enkawl mek mi 2 te chuan khawsik sang vak lo an nei a, ngaihtuahawm an ni lo tih ZMC bulletin ah tarlan a ni.