North Korea laka Guam hum turin US sipaite inpeih

0
511
views

North Korea laka Guam hum turin US sipaite an inpeih tawh niin vawiin khan White House-in a sawi a, phone-a an inbiaknaah, President Donald Trump-a chuan Guam Governor, Eddie Calvo-a chu thlamuanin, Guam bakah America mipuite himna atan US sipaiten theihtawp an chhuah dawn tih a hrilh a, hemi atan hian US sipaite an inralring reng tih a sawi a ni. North Korea-in Guam bul hnai hi missile hmanga kah a tum chungchangah Guam mipuite hi an thlaphang lo hle ni-a hriat a ni a, thlipui na tak tuar ai chuan North Korea hruaitu lu, Kim Jong Un-a missile hmachhawn chu an hnial lo zawk nia sawi a ni. Puan tawh angin, North Korea hian Guam lam hawia missile kah dan tur a ruahman fel tep tawh niin a sawi a, North Korea sorkar media sawi danin, North Korea hruaitu lu, Kim Jong Un-a’n hei hi a pawm chuan an missile kah chhuah tur, Hwasong-12 chuan Japan ram thlawh kanin Guam atanga km 30 atanga km 40 inkar vela hla, tuifinriatah a tla dawn a, hei hi tun thla lai hawlah peih fel a ni dawn a ni.