Pakistan PM hlui, Nawaz Sharif-a’n kum 3 leh a chanve chuang phiarruk a ni tawh niin a sawi

0
456
views

Panama Papers thubuai avanga bang ta, Pakistan PM hlui, Nawaz Sharif-a chuan Punjab province-a vantlang inkhawmah thu a sawina a, kum 3 leh a chanve vel kal ta khan PM a nihna atanga paih thlak tuma amah phiar ru an awm tawh nia sawiin, a tawpa tawpah chuan mualpho taka paih thlak a ni ta niin a sawi a, amah chu ram phatsantu ni loin, ram hmangaihtu niin a insawi. Sharif-a hian Pakistan chu ram vanduai tak nia a hriat thu sawiin, term tawp hmaa paih thlak, PM 18 vel an awm tawh niin a sawi a, mimal thuneihna hmanga rorel thinte erawh chu an nihlawh hle nia sawiin, Pakistan thar, hetiang thil thlen tawh lohna tur ram din a tum thu a sawi bawk a ni. Puan tawh angin, thla hlui ni 28 khan Pu Sharif-a hi Panama Papers-ah a hming a lan ve avang leh, a sum dinhmun chungchangah thil fel lo a awma hriat a nih avangin Supreme Court chuan PM ni tlak lohah a ngai a, hemi hnu hian Sharif-a hian banna thehlut a, a aiawh tur hian Pakistan National Assembly member leh Sharif-a kaihhruai party, Pakistan Muslim League-Nawaz member, Shahid Khaqan Abbasi chu PM lailawk atan ruat a ni.