Pakistan anti-corruption court-in Nawaz Sharif, a fanu, Maryam Nawaz leh a pasal thubuai ngaihtuahna chu la chhunzawm leh atan a dah

0
653
views

Pakistan rama anti-corruption court chuan PM hlui, Nawaz Sharif, a fanu, Maryam Nawaz leh a pasal, Muhammad Safdar-te thubuai ngaihtuahna chu la chhunzawm leh atan a dah a, Panama Papers thubuai ngaihtuahnaah hian ukilten lungawi lohna an lantir avangin, tun thla ni 19-ah ngaihtuah chhunzawm leh a ni ang. National Accountability Bureau chuan Sharif-a leh a chhungte leh, Finance Minister, Ishaq Dar chu Islamabad Accountability Court-ah thubuai pathum a siamsak a, Sharif-a te chhungkua-in London-a in an neih te, Azizia Steel Mills leh ram danga company 16 an neih chungchangte a ni deuh ber a ni. Vawiina Accountability Court Judge, Muhammad Bashir-a’n heng thubuai ngaihtuah tura court pindan a thlen veleh, Sharif-a lam\ang, PML-N lam ukil-te chu an l<t ve huk a, Judge hi hualin, pawnah Police-ten kut an thlak niin an sawi a, police-te hi hrem an nih hma chuan rorelna chu chhunzawm an remtih loh tur thu an sawi a ni. Hetia an inauh buai t^k avang hian Judge Bashir-a hian court pindan hi chhuahsanin, tun thla ni 19-ah he thubuai hi ngaihtuah chhunzawm a nih tur thu a puang ta a ni.He thubuai ngaihtuahnaah hian Pu Sharif-a hi chu a tel lova, a nupui, Begum Kulsoom-i, cancer avanga damlo awmpuia London-a a cham rih avangin, court-ah hian a aiawh a tir a ni.