US leh Israel-in UNESCO chhuahsan tum

0
335
views

United States leh Israel-in United Nations hnuaia pawl pawimawh ber pakhat, UNESCO an chhuahsan tur thu an puang a, United States chuan UNESCO a chhuahsan chhan tur chu Israel ep zawnga ngaihdan a neih vang niin a sawi a, hemi hnu hian Israel PM, Benjamin Netanyahu pawhin US hi an zui chhuak dawn tih a puang ve leh a ni. UNESCO hi khawvela hmun pawimawh leh hlu-te humhalhtu pawimawh ber a ni a, World Heritage program hnuaiah hmasanga mite sulhnu leh hmun pawimawhte a humhalh \hin a, hmeichhiate zirna lama hmasawnna te a buaipui b^kah hna pawimawh tam tak a thawk \hin a ni. Kum 2011-ah khan UNESCO hian Palestine chu a member-ah a lak luh avangin America hian UNESCO \anpui nana sum a pek \hin a lo titawp tawh a, mahse UNESCO office chu a enkawl zui zel a, tun thlenga thawhlawm a thawh duh loh tling khawm hi dollar mtd. 550 vel a ni tawh a ni. Kum 1984 hma pawh khan President Ronald Reagan-a kaihhruai sorkar khan UNESCO enkawl dan hi fel lo, ei r<kna tamna leh Soviet lam awn nia ngaiin a lo chhuahsan tawh a, President George W Bush-a khan kum 2002 khan an zawm leh thu a puang a, mahse 2011 khan Barack Obama-a hnuaiah pawisa a thawh \hin hi a titawp leh a, US thawhlawm hi UNESCO budget zaa 22 lai a tling a ni. Kum 2011-a Palestinian ho a teltir ve a\ang khan America leh Israel hi UNESCO lakah hian an lungawi lo reng tawh a, Arab ramten Israel ep-na lam thu pass an rawt fo b^kah, May thla khan Israel chu Jerusalem awp luitu tih lam hawia puh a nih avangin Israel hi a lungawi lo zual a, July thla khan West Bank-a Hebron chu World Heritage site, humhalh ngai, dinhmun hlauhawma ding niin a sawi leh a ni. Ram dangte pawhin UNESCO hi an mil lo fo tawh a, nikumah pawh khan Japan-in a thawhlawm thawh tur thawh duh lohvah a lo vau tawh a ni.

Hetia United States leh Israel-in chhuahsan an tum t^k hnu-ah hian UNESCO chuan zaninah hian hruaitu thar an thlang dawn a, Paris-a vote an thlakna turah hian Qatar ram Culture minister hlui, Hamad bin Abdulaziz al-Kawari chu he inthlanna chuh thei tur hian a tling a, Egypt mi, Moushira Khattab emaw, French culture minister hlui, Audrey Azoulay emaw nen an inkhing dawn a ni.