Pakistan Christian hmeichhe pakhat, Pathian sawi chhiaa puh vanga thi tura a chungthu lo rel tawh chu kum 8 zet lungin tantir a nih hnuah thiam chantirin chhuah a ni.

0
553
views

 

Supreme Court in chhuah tura thupek a siam hi Islam sakhaw zuitu tam tak in dodalin hmun tam takah tharum thawhna a thleng a, Pakistan ram a chhuahsan khapsak tura sorkar an nawrna chu sorkarin a remtih sak a ni. Chhuah anih thu chanchinthara puanzar a nih rualin Pakistan ram a chhuahsan nia sawi awm chuan dodal a hlawh nasa hle a, Foreign Office chuan Pakistan a chhuahsan loh thu a puang chiang ta a ni.

A pasal chuan Pakistan ram chhungah an him lo tih sawiin, ram danga bihruk phalsak turin sorkar a ngen a, ram dang tam takin an rama lut turin a sawm ve nghal a ni. He hmeichhia, Asia Bibi hi fa 5 nei tawh a ni a, Multan tanin a\anga chhuahtir a nih thu a danhremi Saif Mulook chuan a sawi. Asia Noreen tia sawi bawk he hmeichhe pakhat hi kum 2010 khan mithiamhlim Mohammad-a sawi chhiaa puhnaah thiam loh chantir a ni.