US President Donald Trump-a’n Attorney General Jeff Sessions a ban.

0
535
views

 

Trump-a hian hun engemawchen kalta a\ang khan Jeff Sessions hi a lo sawisel tawh a, a chhan ber pawh kum 2016 President inthlanna-ah Russia a inrawlh nia sawi chungchang enzui tura a thupek a zawm \hat loh vang a ni. He thil chhuina kawnga Jeff Sessions-a hmalak dan sawiseltu, a hnuaia thawk, Mathew Whitaker chuan Attorney General hna hi a thawk lailawk rih ang. Trump-a campaign ah Russia a inrawlh nia sawi hi Special Consel Robert Mueller-a’n a chhui chiang a, huamzau taka a chhuina-ah Trump-a hnuaia thawk mi tam takin thubuai an awrh pha a ni. Sessions-a hian a ban chhan chu ama duh vang reng a ni tih a sawi a, President hnenah hian a thurawn pek angin banna a thehlut ta tih ziakin a hriattir a, attorney general hna a thawh chhukin dan rorelna \ha taka kenkawh a nih thu pawh a sawi.

Hetianga Jess Sessions-a bantir a nih takah hian President thlanna-a Russia inrawlhna chhui mek chu a ti buai ngei dawn niin Democrats chuan an sawi nghal a, Democratic House Leader Nancy Peloci chuan thuil chhui mek lai dik lo taka tih tawp tumna a ni a ti a, Mid Term inthlanna-a House of representatives-a hnehna chang ta, Democrats hian Trump-a hmalakna chu dodal an tum thu an sawi ve nghal a ni.