Zakiur Rehman hi kum 2008-a Mumbai-a LeT mifirfiakte tharum thawhnaa mi 166 thihna thlen \uma a kaihruaitu ber a ni a, ama rual hian LeT mifirfiak 7, Lakhvi, Abdul Wajid, Mazhar Iqbal, Hamad Amin Sadiq, Shahid Jamil Riaz, Jamil Ahmed leh Younis Anjum te chu kum 2009 khan tualthah remtihpuina, tualthah tumna, Mumbai-a buaina ruahmana hlenchhuahna thubuai awrhtir an ni a, Kum 2014 December ni 18 khan Anti Terrorism Court chuan Zakiur Lakhvi hi bail-a chhuah a remti a ni.
FIA chuan Zakiur Lakhvi lakah hian bail-a a chhuahna sut lehna tur leh thiam loh chantirna tur khawp finfiahna a awm tih an sawi a, kum 2014-a bail pek a nih hma khan Islamabad-ah mifirfiakte’n buaina an siam vangin ATC dan roreltu khan Adiala Jail a tlawh ngam loh thu te, he thubuai rel laia ukil te’n vauna an hmuh \hin thu te, mita hmutute’n venhimna \ha tawk an dawn loh avangin pawikhawihtu an hek ngam loh thu te a tarlang a ni.
Court chuan FIA leh Zakiur Lakhvi ukil thu a ngaihthlak hnuah thuneitute chu he thubuai-a case record te chu kar 2 chhungin thehlut turin thu a pe a ni.
