Parliament tualah sorkar lai MP leh eptu pawl lam MP-te in au khum

0
306
views

Parliament Session tiam chin awm lova tihtawp a nih hnuah, eptu pawl hrang hrangte’n Parliament tuala Gandhi-a lim bulah lungawi lohna an lantir a, sorkar lai MP-te nen an in au khum. Union Minister Ananth Kumar chuan Budget Session-a rorel theih loh khawpa party dang MP-te an au buai chu Congress leh Sonia Gandhi vang nia sawiin, tun thla ni 12 hian chaw ngheia an lungawi lohna lantir an tum thu an sawi a, hei hi ram pum huapa huaihawt an tum thu a sawi bawk a ni. Nimin lamah khan Pi Sonia Gandhi leh Ananth Kumar-te hi rorelna inah an lo inbei tawh a, Pi Sonia chuan Parliamentary Minister-in Parliament chhunga thu dik lo a sawi chu zahthlak a tih thu te pawh a lo sawi tawh a, Parliament-a inauh buai chungchanga sorkar laipui thiltih danah an lungawi loh avangin, Lok Sabha Speaker-in thingpui ruai a buatsaih \hin chu vawiin khan an boycott bawk a ni.