Parliament Budget Session thawh hnihna chu vawiin khan zawh a ni

0
263
views

Parliament Budget Session thawh hnihna chu vawiin khan zawh a ni a, eptu pawl hrang hrang-te’n inkhawm an auh buai leh avangin, inkhawm \an a\anga minute 15 lekah inkhawm tihtawp leh a ni. Puan tawh angin March ni 5 khan Parliament Budget Session thawh hnihna hi \an a ni a, Telugu Desam Party leh YSR Congress te’n Special Category-a Andhra Pradesh hlan kai an phut avangin rorel theih lohin inkhawm laiin an lungawi loh thu te leh an thil phutte an au pui a, AIADMK leh DMK te pawhin Cauvery lui tui sem chungchanga thuneitu sang, Management Board din an phut thu an au pui ve bawk a, Congress leh eptu pawl party dang-te pawhin tunhnaia Punjab National Bank kaltlanga sum tih chingpen chungchanga an lungawilohna te an au pui ve bawk a ni. Tun \uma Lok Sabha-a hun paih hek zawng zawng hi darkar 115 vel a ni a, Rajya Sabha-a hun paih hek zawng zawng hi darkar 111 vel a ni a, pawisa cheng vbc 169.5 vel thehthang anga chhut a ni bawk. Inkhawm tihtawp a nih hnuah hian Congress hruaitute chuan tunhaia loneitute harsatna tawh mek te, Dalit hnam-te chunga tharum thawhna thleng te leh tuialhthei man sang zel vangin Parliament tuala Gandhi lim bulah lungawilohna an lantir chhunzawm a ni.