Parliamentary Committee-a BJP member-ten Aadhaar Card chungchang sawiho tawh loh ni se ti

Home Ministry hnuaia Parliamentary Committee-a BJP member 6 chuan, he Committee-ah hian Aadhaar chungchang sawiho tawh loh ni se, an ti a, he Committee Chairman, Pu P. Chidambaram-a chu Supreme Court-a Aadhaar kaihhnawih thubuaiah ukil a nih avangin he Committee-a Aadhaar chungchang sawiho \hin hi thil remchang lo nia an ngaih thu an sawi. He Committee-a member, eptu pawl lam erawh chuan he ngaihdan hi \ha an tih loh thu an sawi ve thung a, Pu P. Chidambaram-a pawhin, he thubuaiah hian Aadhaar chungchang hrim hrim ni lovin, Aadhaar act pass a nih dawnah khan sorkarin Rajya Sabha pumpelh nan, he dan hi pawisa khawih thil angin a siam a, hei hi a dik lo tih thubuaiah a tel ve mai chauh niin a sawi. He thubuai hi Congress MP, Jairam Ramesh-a put luh a ni a, Rajya Sabha pawimawhna leh a thuneihna humhimna tur chauh niin eptu lam MP pakhat chuan a sawi bawk.