PM thusawi vanga Parliament-a inauh buai ziaawm tan

0
660
views

Gujarat Assembly inthlanah BJP a chak loh nan PM hlui, Dr Manmohan Singh-a leh mi pawimawh dang \henkhatin Pakistan sorkar mi pawimawhte an kawm tih, PM, Narendra Modi-a’n a sawi chungchanga Parliament-a inauh buaina leh lungawi lohna chu a ziaawm thawkhat ta a, nimin khan sorkar laipuiin ram tana Manmohan Singh-a hnathawh leh a inp>kna chu engti zawng mahin a ngainep lo, tih a sawi t^k avangin, Congress member-te lungawi lohna zualpui chu a dai ta deuh nia hriat a ni. Nimin khan Finance minister, Arun Jaitley chuan Rajya Sabha-ah he thu hi sawiin, PM thusawi zawng zawngah hian PM hlui, Dr Manmohan Singh, Vice President hlui, Hamid Ansari leh mi dangte ngaihn>pna emaw, ram tana an inp>kna hmuh hniamna emaw engmah a awm lo a, heng mite hi sorkatin a ngaihlu em em zawk a ni, a ti a, Congress pawhin sorkart thusawi hi pawmin, an hruaitu pakhat, Mani Shankar Aiyar-a’n hemi avanga Pu Modi-a ‘mi dik lo leh misual’ tia a lo sawi pawh an pawm loh thu an sawi a, Congress hian Pu Aiyar-a hi tun thla tir lamah khan an party a\angin an lo chawlh lailawktir nghe nghe a ni.

Congress hruaitu, Ghulam Nabi Azad-a chuan, inthlan lai pawhin, an party mi tupawhin PM zahawmna tibawrhbang zawnga thu an sawi chuan, chutiang thusawi chu an party-in a pawm lo tih a sawi a, Rahul Gandhi pawhin Pu Jaitley-a’n PM thusawi tum leh a tum lohte a sawifiah ta chu lawmawm a tih thu a sawi.