Hetihlai hian World Health Organization chuan coronavirus lan chhuahna hmun Wuhan-ah mithiamte a tir a, heng mite hian coronavirus natna awm \an dan an chhui dawn a ni.
China National Health Commission chuan China bikah mi 908 an thi tawh tih a tarlang a, thi tamna ber chu Wuhan leh Hubei Province huam chhung ami te an ni.
Tun dinhmunah khawvel pumah mi 40,171-in coronavirus an kai tawh a ni.
Ram 25-ah \aidarh tawhin Hubei province-a ramdang mi awmte chu an ramah hruai haw a ni tawh bawk. He natna hi a \aidarh zel loh lan China a\anga thlawhna lut leh chhuak tur te chu dan chhunzawm zel a la ni a, hetihlai hian khawvel pumah kai thar an awm zel vangin WHO chuan he natna \aidarh chak lutuk laka lo inbuatsaih lawk turin ram hrang hrangte a hriattir a ni.
Japan-ah chuan khualzin phur lawnga chuang zingah mi 60 chuangin coronoavirus an kai tawh tih finfiah a ni a, he lawnga chuang zinga nupa tuak khat chuan coronavirus an vei vangin he lawng hi tun thla ni 3 khan lawng chawlhhmunah hren a lo ni tawh a, kar hnih chhung hren tura tih a ni. Tun dinhmuna he lawnga chuang zinga coronavirus kai tawh zat chu mi 130 an tling tawh a ni.
Hetihlai hian China-ah chuan thil man a sang chak hle a, thil hralh chhuah tehna, Consumer Price Index-a a lan danin January thla khan za zela 5.4-in vawksa leh thlai man a sang chho a ni. Eitur dangte pawh a to chak hle a, a \henah chuan a to na hi zaa 20.6 te a tling hial a ni.
Coronavirus hian sumdawnna te, zin veivahna te leh ramdangte nena China insumdawn tawnna te a tibuai nasa hle a, Hong Kong sum dehchhuah thlengin a nghawng a ni.
Women’s professional golf circuit LPGA Tour chuan tun thla ni 20 a\anga ni 23 chhunga Thailand Pattaya-a Honda LPGS neih tur leh tun thla ni 27 a\anga March ni 1 chhunga neih tur HSBC Women’s World Championship Singapore-a neih tur te chu coronavirus vangin an \hulh tih a sawi a, infiammite, anmahni \antute leh thawktute hriselna leh himna chu an ngaihpawimawh hmasak vangin hreh takin an \hulh a ngai niin an sawi.
