Pervez Musharraf-a’n Asif Ali Zardari chu Benazir Bhutto leh a nuta, Murtaza Bhutto thattu-ah a puh

0
453
views

Pakistan ram hruaitu hlui leh sipai hotu hlui, Pervez Musharraf-a’n Asif Ali Zardari chu a nupui hlui leh PM hlui, Benazir Bhutto leh a nu\a, Murtaza Bhutto thattu-ah a puh a, heng mi pahnihte thihna-ah hian a hlawk ber chu Asif Ali Zardari hi nia sawiin, a tan erawh chuan engkim channa tur a nih avangin, ama thah a ni thei lo niin a sawi bawk. Musharraf-a chuan, Benazir-i leh Murtaza te thihna hi Asif Ali hian kum nga lai President a nih chhung pawh khan chhui chian pawh a tum lo niin a sawi a, Asif Ali Zardari hi Pakistan-a Taliban mi firfiak pawl peng, Tehreek-e-Taliban hruaitu, Beitullah Mehsud nen an thawk dun nia a hriat thu a sawi bawk. Benazir Bhutto veng him tura \an la tawk loa puh a nih chungchangah pawh Musharraf-a chuan, a theih ang tawk ti nia a inhriat thu leh, silai kah tlang zawh loh car an pe chung pawha, a chung lama kawngka tê siam tura titute leh, Benazir-i beih a nih laia a chuanpuite thu zawh fiah an ni ve lote chu zawhna titamtu niin a sawi bawk a ni.