Fakselna (23rd September, 2017)

0
723
views

CBI koh luh thu-ah state thuneihna a nih si chuan MNF-te koh luh ngawt theih a nih loh avangin CBI ko lut tura MNF-ten CM hnena lehkha an thehluh tawh hnuah, MNF-ten CBI koh luh an ngam tak tak lo tih thu chanchin tharah kan ngaithla a. CM hian eng chhuanlam nge a hman zel dawn? A ko lut ngam lo tih hi a va dik hmel ve. A ko lut ngam a nih chuan ko lut mai sela, tute thil tih pawh ni se chhui mai se a fel zawk ngei ang. Mi dawihzep ram hruaitu hi Mizoram hian a mamawh lo.
Ramhmangaiha
———–

Kan pi leh puten ‘pan lovah tho a fu ngai lo’ an ti a, sum siamna atana Zo-carbon phuahchawp avanga tute emaw-in “Pu Zodintluanga’n, a thuneihna a hmang sual e” tiin chanchinbua an chhuah avangin amah Pu Zodintluanga’n FIR a thehlut ta mai hian an puhna hi a dik ngei a ni tih a nemnghet zawk em? A lan danin Zo-carbon hi a hma zawng khan hriat a ni lova, Pu Zodintluanga’n awmze nei taka Taxation Dept. hun rei lote chhung lek a enkawl zuai khan an puhna hi a tilang chiangin, a nemnghet viau lo maw?
Sylvia-i pa
—————-

Kristian-te chuan Pathian sawi nan hian Lalpa, chungnung ber, engkimtithei etc. te kan hmang \hin a. Pathian kan tih hian kan biak Pathian bak Pathian dang reng kan neih loh avangin Pathian nung tih sawi kher a ngai lo. Pu Hawla’n Pathian nung a tih hian nung lo pathian a nei bawk em ni aw? A pathian ràwn hian zu zuar la, i mite hrai chur chur rawh a ti a nih hmel.
Rairahtea
————

Inthlan leh chu MNF an vawng ta berin ka hria. Congress ni se tunlai kawngpui kal tlakna awm tawh lo khawpa chhia te, an zu zawrh avanga chhungkaw tam tak tawrhna avang te, a dang pawh sawi dawn ila sawi tur a awm \euh awm e. Party dang lo piangte pawh hi an \ha ang. Mahse, sorkarna han siam thei an la nih hmel si lo.
Sanga pa
———–

Kan thil vai liam hi a pui hlei deuh. Kan Prime Minister chuan rel tlan chak chi a vai liam thu, news-a puan a nih laiin keini lam chuan poster tar tur a vai liam thu kan lo chhiar chhiar thung a, news a hraw hlei deuh e.
RK Sanga
————

Congress ho hian thu an sawi apiang a, MNF sawi chhiat dan tur remchang an zawng reng ringawt mai a. Saipui kal lai an ang ta lo hle mai. Hruaitu Arsi Chanchinbuae thuchhuah chungchangah leh zel pawh huat tur an la zawng zel mai hi chu mimal dikna chanvo, inrahbeh sak tumna te pawh a va ang ta ve! Kan ram kawng chhe lutuk leh electric eng mumal lo, Department hrang hrang \huanawp nasa lutuk te, ruihhloin kan ram a tihchhiat nasat tawh avangte leh kawng tinrenga mipui mangang au rawl te hi ngaih pawimawhah nei zawk se, chu chu Saipui kal lai tih tur ni awm tak a ni. Mipuite kan harh a hun ta.
Tlabung Uitangrual
—————

Kum 1998 a\angin kum 2008 thleng MNF an sawrkar a, thil ti thei deuhin an awm a, chumi zawhah Congress an sawrkar leh a, Mizoram dinhmun chu heti hi a ni a, nakkum inthlan lo awm turah hian mipuiten eng nge kan vote dawn?
No. thup
—————-

Party tin kal tum dan chu a rin hriat theih ta ruak e. Rintlak an vang dawn mang e. Pu Hawla erawh ka ti ang a tih chu a ti zel a ni. A theihna a san leh san loh chu lo teh ve mai teh.
Lalnuni
—————–

Kum 2018 election-a \anrual tumte hi beiseina sang tak nen kan thlir che u a, bei zel teh u. Amaherawhchu, Brig. T. Sailo leh Pu Duhoma-te ruahman leh hmathlir hi intih hlawhchham chuan a pawi ngawt ang. Engmah a thlawna sem loh, kawngpui, electric, tui hnianghnar, hnam chim ral theihna laka huai taka hma lak, kut hnathawkte zak hauh lo tura an thar chhuah hlawkpui tura siam, a rate, a man zah tur hre lawka thil chin, kan ram mipui nun chhe tawh siam \hat nan social reform-na \ha ber, a thlawna thil sem loh, thil sem hian mipui nun a tichhia tih hre rengin, kan ram min hruai turin duhsakna ka hlan a che u.
9862614029
—————-

Sorkar ch^ka rum MNF Party hian Gujarat anga hmasawntir min duh tak tak a nih chuan an hotupa, Pu Rama hi Gujarat-ah chuan kum chanve tal zirtir se a \ha ang. MLA patuai mai mai an zuk kal danah hian mipui bum tumna bak emgmah a awm chuang love.
Malsawma pa
—————–

Khawvela ruahtui tlak tamna ber ber Cherapunji, Meghalaya-ah te khuan an kawng chhiaah hian ruahtui tla an chhuanlam ve thawm kan hre ngai awm lo ve. Mahni lei (bridge) dawh lai a chim pawha mawhpuh tur zawng \alh mai, mawh la ngam lo sorkar hi i paih ngam ang aw.
Faktea
————

Mizoram sorkar hian hnam bil hming pakhat Hmar hnam chu a inbiakpui leh ta a. Thu delh kilh fel tak neih a ngai. A hmasa bera a biak kha HPC a ni a, tunah HPC tho “D” invuah te an ni a. He inbiak zawhah hian HPC dang, anmahni tho, eng hming emaw biak leh ngai an awm leh tur laka inven a ngai. Mizoram Hmar emaw, Manipur Hmar biak kual ngai fo ta mai hi engtin emaw tak chuan han be teh u! Hnam bil hming hmanga sorkar nena dawhkan kil ngai ta ringawt mai chu Paihte Hnam bilten thikin an rawn zui ve mai lovang maw? Ralte, Fanai, Chhakchuak etc. dangte cho chhuak zawngte hian hnam pawi in ziak (sign) hlauh ang e aw? FIMKHUR hle rawh u.
PH FANAI
————–

Kan khaw pa Liandala, Aizawl FC-ah a khel dawn, kan chhuang takzet a ni.
Mavana & Zoa
————–

Mizoramah hian ‘Pulpit leh Biak In Compound-ah te hnehna hi kan puang chamchi \hin a, chu mai chu duh tawk lovin khawlaiah hnehna puangin kawngte hial kan zawh \hin a. Hnehna kan puanna hmun tur dik tak zawk chu eirukna remchang dawhkan bulah te, a fala nula/tlangval kan mutpui theihna hmunah te a ni dawn zawk lo’m ni? ZONET Staff-te eng nge in ngaih ve dan le?
Saia, Mizo ngat
————–

Lunglei lam unaute, sikul kal hma duh lova chaw ngheia theihtawp chhuaha sorkar nawrtute khan in thu leh hla sorkarin engah mah a ngai lo tih theihnghilh lo ula, nakkum inthlan hun a nih kha aw.
Puipuii pu
————-

MLA inthlan dawna thil thar awm \hin chu party luhchilh ngam lova inthlan chhung chauh daih tur, inthlan zawha automatic-a tawp lehnghal tur pawl din hi a ni. Nakkum inthlan thlir ranin kuminah pawh pawl thar ZEM a lo piang a, hei pawh hi nakkum inthlana an chak loh chuan automatic-in a zuih ral leh ngeiin ka ring. Ram tana an tha leh zung hlan a luhchilh ngam lote hi lalna chauh duh an ni mai lo’ng maw? Mipuite hian ram hruaitu atan kan ring ngam ang em? ZEM tan vanneihthlak takin thawhhopui tur ZNP leh MPC an lo awm hlauh a. ZPM hmingin MLA inthlanah an chuh dawn a ni a, eng tak ang maw? Inrin tawnna an nei lo emaw ni Val Upa Council an la din zui. An sawi danin Val Upa Council mawhphurhna te chu ZPM uap, sorkar khalh ngiltu, thurawn petu, zilh hauh ngaite zilh hautu, sorkarin thu harsa a neih te Val Upa Council-a thlen adt., inrintawnna an nei lo em mi? Buan a hmaa an kherh chiam nghal le.
DIKI PA
———–

Tukin Vanglaini Article, ‘A hua hua, phungin seh’ tiha Missionary Day, sorkar holiday chungchang kha kum 1894 Missionary lo chhuah \an, Presbyterian Church pawhin kan pawm \hin kha an chhui an chhui a, Pu Buanga leh Sap upa te Baptist Missionary an lo nih takah chuan an helh tlai khawhnu a, Rev. William Williams chuti khati an ti kual leh zawk mai niin a lang. Presbyterian hian 15 March hi sorkar holiday-ah dil veleh hnuhnawh mai teh se.
Lb-a Pa
———–