Philippines-a ruihhlo do beihpui thlakah kum 17 mi kah hlum a ni

0
475
views

Philippines President, Rodrigo Duterte-a hnuaia ruihhlo do beihpui thlakna kal zelah vawiin khan kum 17 mi, zirlai pakhat kah hlum a ni a, mipui an lungawi lo hle. He zirlai, Kian Loyd Delos Santos hi a ruang an chharna hmunah mi pahnihin an dah lai, CCTV thlalakah hmuh a nih avangin, police-ten silai a hmehpuah hmasak avanga kap hlum nia an insawi chuan pawm a hlawh lo hle a, he CCTV thlalak chhuahtu, ABS-CBN chuan Santos-a hian ralthuam a keng lo ti sawiin, police-te hian amah hi silai pe in, hmet puaka tlanchhe zui turin an ti niin an sawi a, police hotu, Ronald dela Rosa chuan Santos-a thih dan hi chiang zawka chhui a nih tur thu leh, mi hlauhawma ngaih a ni lo chunga kah hlum a nih chuan a kaptute chu hrem a tiam a ni.