Philippines President Rodrigo Duterte a’n tunkar tir lama Australia mi, nun pakhat police ten an man chungchang chu chhui chiang turin thupek a ti chhuak

0
214
views

Philippines President Rodrigo Duterte a’n tunkar tir lama Australia mi, nun pakhat police ten an man chungchang chu chhui chiang turin thupek a ti chhuak tih a sawi. Sister Patricia Fox, kum 71 mi chu Immigration lam hotuten Thawh\anni khan Manila ah an man a, a visa neih dan kalhin Politics thilah a inhnamhnawih niin Police te hian an sawi. Sister Patricia Fox hi a tuk Thawhlehni khan thubuai engmah siam sak lova chhuah tir leh nghal a ni a, amah chuan engmah tih dik loh a nei lo niin a sawi. Duterte hian Sister Patricia Fox hi a chet dan a dik chiah lo niin a sawi a, he thil thlen dan a thang mawi lo zawnga sawi chhawngtu ramdangmi te chu thawn chhuahah a vau a. Manila-a sipai thil tihna hmun pakhatah thu sawiin Duterte hian Catholic Puithiam nihna changchawiin mawi lo takin Philippines lakah an che niin a sawi a, Philippines ram dan angin a duh chuan an ram a\angin a hnawt chhuak thei tih a sawi. Sister Fox hi kum tam tak chhung Philippines-a lo cheng tawh a ni a, Catholic hmun pawimawh pakhata Moter superior ni lai a ni.