Ram chhung hmun thenkhata pawisa lengvel indaih lohna chu naktukah chuan chinfel theih a ni ang tih SBI Chairman Rajnish Kumar a’n a sawi

0
211
views

Ram chhung hmun \henkhata pawisa lengvel indaih lohna chu naktukah chuan chinfel theih a ni ang tih SBI Chairman Rajnish Kumar a’n a sawi a, pawisa leng vel indaih lohna hmunah te hian pawisa thawn luh mek a ni a ti. Kumar hian hmun \henkhatah ATM a \hat loh bakah pawisa note duh khawp awm lohna a awm nual tih a sawi a, hei hi pawisa tlem vanga thleng a ni lo tih a sawi a, pawisa indaih lohna hmunah te hian thawn chhuak nghal a ni a, naktuk lamah chuan harsatna sutkian theih beisei a ni a ti. Finance Ministry chuan tunkar tir lam khan thuchhuah siamin ram chhung hmun \henkhat Andra Pradesh, Telangana, Karnataka, Madhya Pradesh leh Bihar ah te pawisa mamawhna a sang thut a, April ni 1 a\anga ni 13 thleng khan pawisa mamawh zat hi cheng vbc 45,000 a kai chho thut tih Fin Ministry chuan a sawi. SBI Chairman Rajnish Kumar chuan pawisa chu leng vel tura siam a nih laiin, mi \henkhat pawisa tam tak kawl tlat an awmin harsatna a thleng \hin a. Pawisa kawltute pawhin Bank ah an dah luh ve leh zel a \ul a ni a ti. Economic Affairs Secretary Subhash Chandra Garg pawhin cheng 2000 note chu tuten emaw an chheprelh nia an rin thu a lo sawi tawh a, hemi avanga harsatna sukiang tur hian cheng 500 note chu dan pangngai aia a let 5-a tam print belh a ni a ti.