PM Narendra Modi leh Congress President Rahul Gandhi te lakah thubuai thar thehluh leh a ni.

0
301
views

Aam Aadmi Party chuan PM Modi hian Varanasi-a a campaign-naah candidate te sum hman tur chin bithliah cheng nuai 70 chu a hmang pel nia sawiin, Election Commission hnenah an zualko a, Congress chuan Modi hi Prime Minister Office hmangsualah an puh bawk a, an sawidan chuan Modi campaign-na tur hmunah te NITI Aayog hmangin state sorkar te hnenah lehkha thawn \hin a ni. Congress chuan Modi-a’n May ni 6-a Madhya Pradesh Sagar-a vantlang inkhawm a huaihawt chungchangah Damoh bial-ah nghawng a nei thei tiin EC chu hma la turin a ngen bawk a ni. Congress hotu Abhishek Manu Singhvi chuan inthlannaah candidate zawng zawngin dinhmun inang tlangin campaign an bei tur a ni a ti a, sorkar thuneihna hmanga campaign a rem lo a ni a ti.

Rahul Gandhi-a’n April ni 23-a Madhya Pradesh Shahdol-a a campaign-na-ah Narendra Modi-a’n dan thar, police te’n tribal mi te thil neih an chhuhsak a, an kahhlum theihna dan a siam tia a sawi chungchang chu darkar 48 chhunga sawifiah turin Election Commission chuan thu a pe bawk a ni. Madhya Pradesh-a vantlang inkhawmnaa a thusawiah Rahul Gandhi-a’n Amit Shah chu tualthattu tiin a sawi tih BJP corporator Krishnavadan Brahmbhatt-a chuan sawiin, Rahul Gandhi lakah intihhmingchhiat thubuai a thehlut a, Ahmedabad-a court chuan Rahul Gandhi hi July ni 9-a inlan turin a hriattir a ni.

Election Commission hian Bhopal-a BJP candidate Sadhvi Pragya Singh Thakur-i chu ATS hotu Hemant Karkare leh Babri mosque tihchhiag chungchanga a thusawi vangin darkar 72 chhung campaign a khap bawk a ni.