PM thusawi laiin a hnungah General Officer Commanding, Lt Gen Manoj Mukund Naravane a ding lo

Nimin, Independence Day-a PM-in Red Fort kawt zawla thu a sawi lai khan, Delhi Area sipai hotu, General Officer Commanding, Lt Gen Manoj Mukund Naravane-a chu PM hnungah a ding lo a, tun hma zawng kha chuan PM-in hetiang ni pawimawha thu a sawi apiangin, Delhi GOC hian PM chu a thutna hmun atangin a hruai a, a thusawi chhung zawng a dinpui hnuah a thutna hmunah a hruai leh thin a ni. Niminah khan Lt.Gen. Naravane hian PM hi thusawi tura a chhuahin a tawiawm a, thu a sawi chhung erawh chuan a thutna pangngaiah a thutsan a, PM-in thu a sawi zawhah a zui leh chauh a ni. Nikuma Independence Day lawmnaah pawh khan Delhi Area GOC, Lt Gen Vijay Singh chu PM hnungah a ding tluan chhuak a, mahse kuminah hian Special Protection Group chuan, sipai lalin PM a dinpui hian a chhehvel hmuh kim a harsa a, ven himna lamah harsatna a thlen zawk niin an sawi ta a, hei hi Defence Ministry hotuten an sawiho hnuah PM Office hnenah an thlen a, nimina an tih anga tih tur khan tihfel a ni ta a ni.